吊鐘花是個驚喜，因當日我們取道沙田半山往城門郊野公園，從沒想到會在途中看到遍開的吊鐘花。
我們看到的吊鐘花是粉紅色，5至8朵花開在一起，倒懸於花柄上，像個倒掛的鐘，形態一如其名，而且還有鈴兒花、倒掛金鐘甚至燈籠花等別名。吊鐘在農曆年前後開花，所以英文又叫 Chinese New Year Flower。
吊鐘花 (Enkianthus quinqueflorus) 是杜鵑花科吊鐘屬植物，是香港及華南一帶的原生植物，在香港的野生吊鐘受林務條例保護。它多是生於較高的地勢，我們看到的吊鐘花，也是生長在往城門郊野公園途中較艱辛的一段。從華翠園附近的排頭坑配水庫往上走，過黃竹洋的路口而不入，沿石路再前行，不久便看到一些高聳的高壓線鐵塔，依山而建。我們經過一個鐵塔的底部，開始上坡，山勢陡峭，要登400多級梯級，但這也是最多吊鐘花的路段，令人驚喜。
上坡後進入城門郊野公園的範圍，地勢較平坦，但再沒見到吊鐘花。此時才發現有一告示牌：「告示及警告：部分山路崎嶇不平，只適宜有行山經驗人士使用。沙田區議會」。告示牌豎立在這個位置，難道是慰勞剛走完數百級梯級的人？
城門郊野公園雖再沒有吊鐘花，但水塘景色秀麗，局部路段有野猴出沒。我們不往荃灣，選擇經鉛礦凹折回大埔，結果當日共走了4個多小時，能完成全程，也算是吊鐘花以外的另一驚喜了。
北宋文學家王安石曾作《遊褒禪山記》，其中一段是：「古人之觀於天地、山川、草木、蟲魚、鳥獸，往往有得，以其求思之深而無不在也。夫夷以近，則遊者眾；險以遠，則至者少。而世之奇偉瑰怪非常之觀，常在於險遠而人之所罕至焉，故非有志者不能至也。」新月人行山賞吊鐘花，再讀上文，可有同感？
回覆刪除講真，我冇讚過王安石呢段嘢，純粹照字面估估吓，我諗係即係話d靚嘢都係生係d險要嘅地方，好少人去嘅，要好有決心嘅人先會去。阿王生當然啱啦，可惜新月人唔係勤力，其實今次肯去，係基於誤會，以為坐小巴上左沙田半山，再行都冇乜斜坡啦，點知就真係搞錯，原來係好斜好難行(對新月人來講)，好在見到野生吊鐘，野生喎，咁易遇到咩，當然驚喜到眼都大啦。不過一切都係由誤會引起，冇阿石哥講個種「有志者」，唔敢當。
回覆刪除閣下文才好，可否搵段文學嘢，形容吓一個懶人誤打誤撞又俾佢見到正嘢嘅情況呢？
所謂登「泰山而小天下」，欲窮千里目，當然要更上一層樓。不過，今天科學進步，坐電梯直登101大樓或IFC頂樓，同樣可以「山光水色一望收」。
回覆刪除坐電梯直登頂樓睇山光水色，重懶過我，唔掂啦。睇野生花朵，刻意去搵，通常唔易搵，我倆舊年想搵野生杜鵑花，影都冇，今年無心插柳柳成蔭。去花展睇花啦，一個場，乜花都俾你睇晒嘞。都市人就係咁架嘞。
回覆刪除呀，上文打多左過「倆」字添，我其實係一枝公去搵野生花，冇同任何人去，好在我冇從政，否則對手又大做文章架嘞。
回覆刪除