萬宜水庫東壩是香港地質公園的一部份，離西貢北潭涌10公里，步行約3小時，乘坐新界的士車資約64元。抵達萬宜水庫東壩可以看到「中國香港世界地質公園」的標示及六角亭。
在萬宜水庫東壩，最適合是近距離觀賞六方形火山岩柱的地方。這些六方火山岩柱既密集又整齊，而且伸手可及。不過岩柱並非想像中堅硬，所以岩柱旁邊豎立了警告牌，提醒會有大石滾下。
萬宜水庫東壩除了是地質公園的一部份外，本身就是一個宏偉的水利建設和景點。東壩的主壩長1,593呎，高348呎，壩下的遊人顯得細小如螞蟻。
由於萬宜水庫東壩面向大海，所以建有副壩對抗海浪的侵蝕，主壩和副壩間由緩衝區隔開。副壩還有防波堤，以超過2500個混凝土工字形錨形石建成，防波堤高於副壩，令副壩看來具有獨特的美感。
萬宜水庫東壩對開的小島是破邊洲，有很多高聳的海石柱和六角柱，但要從水路才能觀看全景。不過在副壩的錨形石之間，可清楚看到破邊洲山體被海蝕分為兩半的奇景，也可觀賞兩半山體間急湍和洶湧的水道。
萬宜水庫自1978年底完成後，一直是遠足的好去處。在東壩副壩其中一塊錨形石上，有阿Man 表示愛阿Cat 的字樣，寫於1994年3月5 日，轉眼間第18 個情人節快到。海可枯，石會爛，願情不變。
不少人愛在郊外的景點塗鴉，阿Man雖愛阿Cat，但用不著公告天下，如果所有有情人都這樣做，真是大煞自然風景了。小弟在澳洲的郊野地方，無論是Blue Mountains 或Kangaroo Island，都不見石上有名人題字或情人留言，所以。欣賞泉然景物，份外心曠神怡也。
回覆刪除閣下講得好對，我地係唔應該畫花公物，可惜現時塗鴉已經係一種次文化，香港已經唔算嚴重。
回覆刪除講到尾，都係要愛護公物，我行晒成條副壩睇左好多錨形石，畫花左嘅只係極少數。鞋，唔畫都畫左咯，如果人地又係真心相愛，又希望全世界人知道，以作見證，咁都不妨衷心祝福佢地啦。18年話長唔長，話短唔短，你估佢地點呢？你梗係又話我多事啦。
新月人宅心仁厚，小弟汗顏。
回覆刪除不過，愛情講的是「刻骨銘心」，把愛藏於骨，刻於心，才真正是永誌難忘。
如果只是把愛掛在口邊，刻在石上，未免流於口號式的層次。
但小弟也和新月人一樣，祝願有情人永結同心，共諧連理也。
冇錯，有人唔鍾意下下將愛掛係口邊，「刻骨銘心」嘅愛先至難忘。其實有首老歌都係咁樣唱架，呢首歌叫做《More than I can say》，"wo wo love you more than I can say..."
回覆刪除開唔到口講愛一個人，憑歌寄意都係好辦法。呢首歌真係好舊好舊，後生仔冇聽過，我係老餅，所以聽過。閣下有機會唱K，即管搵搵有冇，正常情況應該冇，有就當意外收穫啦。
新月人說的是Bobby Vee 唱的 "Love You More Than I Can Say"此歌也有中譯，改編為「愛你在心口難開」，不少老牌女歌星，均曾唱此中詞西曲也。
回覆刪除小弟當年只會偷戀隔牆花，在少艾時期錯失了不少心儀的女孩，回想往事，不勝唏噓。今天的年青人，直截了當，問一句：「你受唔受溝？」即時了斷。小弟望塵莫及，真的予欲無言。
閣下都好記得呢首歌，中文歌詞重好過原作，道出大部份人心聲。而家時代唔同，除左直接開口，重可以用各種數碼方式，一定容易溝通過以前。不過容易來又容易去啫。總之唔理點樣溝通，攪得掂就得啦。
回覆刪除話說回來，這個「中國香港世界地質公園」的名稱認真有趣，可以解作什麼？小弟一舊雲，亦從未見過如此累贅的名字。
回覆刪除小弟認為可稱作「西貢地質公園」，即如黃石國家公園(Yellow Stone National Park ) 是公認的世界級的地質公園，也不會稱「美國懷俄明州黃石世界地質公園」。
世界級是人家推許的，不能自我吹噓。地質公園的所在地是香港，是中國屬土，不言而喻。所以簡簡單單的幾個字就可以了。
從名命可見社會的文化。今天香港的語文淺薄，浮誇，教壞下一代也。
Good point!你咁講又確係啱到極，我一直都覺得個名難讀難記，可惜唔識好似你咁分析。睇真d其實英文都係O晒咀，Hong Kong Global Geopark of China，講來講去都係要香港同中國同時出現，再加上世界，撓口囉。改呢個名，應該有原因嘅，不過冇人得閒理你點解，大家要順口啫。而家大家只講Geopark，如果唔係閣下心水清，我都唔知佢全名，影左張相都視而不見，好笑。
回覆刪除